Devotional Songs

🌻🌻🌻🌻🌻🌻🌻 🌺శ్రీ మాత్రే నమః🌺  🌹 *శారదామాత జీవితచరిత్ర* 🌹 3⃣9⃣ *వ రోజు*   *కుటుంబ పెద్దగా బాధ్యత :-*  🌻🌻🌻🌻🌻🌻🌻 కత్తాలోని కోలాహలంలో ఇరుకైన స్థలాలలో నివసించడం చెరసాలలో ఉన్నట్లే ఉండేది మాతృదేవికి. కలకత్తా చెరసాల నుండి బయటపడి జయరాంబారికి  వచ్చాకే ప్రశాంతంగా ఊపిరి పీల్చుకుంటారు. ఆ ప్రాంతాలలో మలేరియా వ్యాధి శాశ్వతంగా ప్రబలి ఉంది. దాన్ని మాతృదేవి ఖాతరు చేయలేదు. మాతృదేవి కామార్పుకూర్ లో పడుతున్న కష్టాలను చూడలేక ఆమె తల్లి జయరాంబాటి రావసలసిందని ఒత్తిడి కారణంగా,మరి కొన్ని కారణాల వలన జయరాంబాటిని స్థిరనివాసంగా ఏర్పరచుకున్నారు.  మాతృదేవి తమతోపాటు జయరాంబాటి గ్రామంలో నివసించడం ప్రజలకు ఒక మధురానుభవం. దానితోపాటు మాతృదేవి దర్శనార్థం భక్తులు రావడంవల్ల పండ్లు, కూరగాయలు, పాలు, చేపలు ఇత్యాదుల వ్యాపారం బాగా పెరిగిపోయింది. గ్రామస్తుల పేదరికానికి గుడ్డిలో మెల్లగా అమరింది. కరుణాస్వరూపిణి అయిన మాతృదేవి ఈ కారణం వల్ల కూడా గ్రామంలో జీవించగోరి ఉండవచ్చు.  మాతృదేవికి ఐదుగురు తమ్ముళ్లు, చెల్లెలు కాదింబిని ఉండేవారు. ఇందులో కాదంబిని, ఇద్దరు తమ్ముళ్లు యువ ప్రాయంలోనే మరణించారు....

🌻🌻🌻🌻🌻🌻🌻 🌺శ్రీ మాత్రే నమః🌺 🌹 *శారదామాత జీవితచరిత్ర🌹   3⃣8⃣ *వ రోజు*   *నరేంద్రునికి ఆశీస్సులు :--*  🌻🌻🌻🌻🌻🌻🌻 గంగానది తీరంలో మెట్లమీద కూర్చొని ఆ నది అందాన్ని పరికిస్తున్నారు మాతృదేవి. అప్పుడు హఠాత్తుగా గురుదేవులు అక్కడ ప్రత్యక్షమై, వెనుకవైపు నుండి వస్తూ, మాతృదేవిని స్పృశిస్తూ ఆమెను క్రిందకు తోసేసేలా వెళ్లి చటుక్కున గంగలోకి దిగారు. అలా నీళ్లలోకి దిగినవారు అందులోనే కరిగిపోయారు. ఆశ్చర్యంతో మాతృదేవి ఆ చోటును అలాగే చూస్తూ కూర్చున్నారు. మరుక్షణం నరేంద్రుడు (స్వామి వివేకానంద) హఠాత్తుగా అక్కడ కనిపించాడు. అతడు ఆ నీటిని చేతులలో తీసుకుని, 'జై శ్రీ రామకృష్ణ' అంటూ అసంఖ్యాక ప్రజానీకంపై చిలకరించాడు. ఈ దృశ్యం మాతృదేవి మనస్సులో గాఢంగా నాటుకుపోయింది. ఈ దృశ్యం తర్వాత చాలాకాలం దాకా ఆమె గంగను చూసినప్పుడల్లా, అందులో పాదాలు పెట్టడం గురుదేవుల దివ్య శరీరంపై పాదాలు మోపడంలా భావించి వెనుకాడుతూ తీరంలోనే నిలబడిపోయేవారు. ఈ దృశ్యంలోని నిజాన్ని నిరూపించడానికా అన్నట్లు నరేంద్రుని నుండి మాతృదేవికి త్వరలో ఒక ఉత్తరం వచ్చింది. అమెరికాలో జరుగనున్న సర్వమత మహాసభలో పాల్గొనడానికి తాను వెళ్లదలచు...

🌻🌻🌻🌻🌻🌻🌻 🌺శ్రీ మాత్రే నమః🌺 🌹 *శారదామాత జీవితచరిత్ర🌹 3⃣7⃣ *వ రోజు*   *పంచ తపస్సు :--*  🌻🌻🌻🌻🌻🌻🌻 తమ కార్యాన్ని నెరవేర్చడానికి కావలసిన శక్తిని సముపార్జించడానికి తీవ్రమైన తపోజీవితం చేపట్టడానికి హిమాలయాలకు బయలుదేరాడు నరేంద్రుడు. సెలవు పుచ్చుకోవడానికి అతడు ఒక రోజు మాతృదేవి వద్దకు వచ్చాడు.  మాతృదేవికి ప్రణమిల్లి, "అమ్మా! నేను బయలుదేరుతున్నాను. ఒక నిజమైన మనిషిని కాగలిగితే మళ్లీ మిమ్మల్ని దర్శించుకుంటాను. లేకపోతే ఇదే ఆఖరి చూపు” అన్నాడు. నరేంద్రుని మాటలు విని హడలిపోయారు మాతృదేవి. "నాయనా!  నువ్వెందుకు అలా అంటున్నావు?" అంటూ మధ్యలోనే ఆతణ్ణి వారించారు. అందుకు నరేంద్రుడు, “అవును. నేను అలా అనివుండకూడదు. ఎందువల్లనంటే మీ కృపాకటాక్షంతో నేను త్వరలో తిరిగి వస్తాను కనుక” అని అన్నాడు. ఆతనితోపాటు గంగాధర్ కూడా వెళ్లనున్నాడు.  మాతృహృదయం నరేంద్రునికి సెలవివ్వడానికి నిరాకరించినా, కర్తవ్య నిర్వహణ దానిని అడ్డుకొంది. గంగాధర్ ని పిలిచి, *“నాయనా! నా ఐశ్వర్యాన్నే నీకు అప్పజెప్పుతున్నాను.* హిమాలయాల్లో ఎలాంటి పరిస్థితులు నెలకొంటాయో నీకు తెలుసు. నరేంద్రుడు ఆహారం లేకుండా బాధపడకు...

🌻🌻🌻🌻🌻🌻🌻 🌺శ్రీ మాత్రే నమః🌺 🌹 *శారదామాత జీవితచరిత్ర🌹 3⃣6⃣ *వ రోజు*   *సంఘ జనని :--*  🌻🌻🌻🌻🌻🌻🌻 గురుదేవుల నిర్యాణానంతరం ఆయన సన్యాస శిష్యులు వరాహ నగరంలో ఒక పాడుపడిన ఇంట్లో ఉంటూ తపోమయ జీవితం గడుపసాగారు. పిశాచాలు సైతం దరిజేరడానికి  శంకించే తపోమయ జీవితం గడుపుతున్నారు. 1887 జనవరి నెలలో వారు హోమాగ్నిని రగిలించి, విధివిహితంగా సన్యాసం స్వీకరించారు. కానీ ఒక సంఘంగా కలిసి పనిచేయాలనే ఆలోచన అప్పట్లో వారికి లేదు. అందువల్ల ప్రతి ఒక్కరూ తీర్థయాత్ర, పుణ్యక్షేత్రాలలో తపోమయ జీవితం అంటూ మొదలు పెట్టారు. వారందరూ సంఘంగా కలిసి జీవించాలి అనే ఆలోచనా బీజం మాతృదేవి చలువే. సన్యాస శిష్యులు వరాహ నగరంలో తపస్సు చేసుకుంటున్న అదే సమయంలో మాతృదేవి కామార్పుకూర్లో తపోజీవితం గడుపుతున్నారు. గయకి వెళ్లి మరణించిన తన తల్లికి పిండ ప్రదానం చేయమని గురుదేవులు ఒకసారి మాతృదేవితో చెప్పారు. అందుకోసం 1890 మార్చి 25వ తేది మాతృదేవి పెద్దగోపాల్ తో గయకు వెళ్లారు. తర్వాత అక్కడ నుండి బుద్ధగయకు వెళ్లారు. బుద్ధ గయలో మాతృదేవి ఒక ప్రసిద్ధ మఠాన్ని చూడడం తటస్థించింది. ఆ తరంలో చక్కని వసతులు ఉన్నాయి. భోజనానికి, ఇతర అవసర...

🌻🌻🌻🌻🌻🌻🌻 🌺శ్రీ మాత్రే నమః🌺 🌹 *శారదామాత జీవితచరిత్ర🌹 3⃣5⃣ *వ రోజు*   *భక్తుల అభ్యర్థన :--*  🌻🌻🌻🌻🌻🌻🌻 గురుదేవుల నిర్యాణానంతరం మాతృదేవి *ముప్పైమూడేళ్లు* జీవించారు.  *"కామార్పుకూర్ లోని, నీ* *సొంత ఇంటిని వదలి* *వేయకు”* అంటూ  గురుదేవులు చెప్పిన మాటలను ఆమె మరచిపోలేదు. ఆయన చెప్పినట్లే నివసిస్తూ తపోమయ జీవితం గడపాలనేదే ఆమె ఆశయం. కానీ పరిస్థితులు పూర్తిగా ప్రతికూలమయినందున అక్కణ్ణుండి కలకత్తా వెళ్లవలసి వచ్చింది. కొన్ని విషయాలలో గురుదేవులు చెప్పింది యధాతధంగా మాతృదేవి స్వీకరించేవారు కాదు. అలాంటి కొన్ని సంఘటనలు చూద్దాం. దక్షిణేశ్వరంలో కొంతమంది యువకులు గురుదేవుల దగ్గరకు వచ్చి రాత్రి సమయాల్లో కూడా ధ్యాన జపాదులు అనుష్టించసాగారు. రాత్రి ఎక్కువ ఆహారం తీసుకోవడం సాధనా జీవితానికి అవరోధం అని గురుదేవులు వారి వారి శక్తికి తగ్గట్లు ఇన్నీ చపాతీలే తినాలని నియమం పెట్టారు. ఒక భక్తుణ్ణి “నువ్వు రాత్రిపూట ఎన్ని చపాతీలు తింటావు?" అని అడిగారు. ఐదో, ఆరో" అన్నాడు.  “చాలా ఎక్కువ. ఎందుకు అన్ని తింటావు?" అని మళ్లీ అడిగారు.  అందుకు ఆ భక్తుడు మాతృదేవి పెట్టింది పెట్టినట్లే తిం...

🌻🌻🌻🌻🌻🌻🌻 🌺శ్రీ మాత్రే నమః🌺 🌹 *శారదామాత జీవితచరిత్ర 🌹 3⃣4⃣ *వ రోజు*   *మృదుత్వం-కాటిన్యం :--*  🌻🌻🌻🌻🌻🌻🌻  *హరీష్* అనే గురుదేవుల గృహస్థ భక్తుడు, గురుదేవుల సన్యాస శిష్యులు నివసిస్తూ తపస్సు చేసిన వరాహ నగర మఠానికి అప్పుడప్పుడూ వచ్చేవాడు. అతను కూడా సన్యాసం   పుచ్చుకొంటాడేమోననే భయంతో ఆతడి భార్య అతని మనస్సును తన వైపు తిప్పుకోవడానికి గట్టిగా ప్రయత్నించింది. అందు నిమిత్తం మందులూ మాకులూ ఉపయోగించింది; కానీ పర్యవసానం విపరీతమై ఆతడికి మతిస్థిమితం లేకుండాపోయింది. ఆ స్థితిలో అతడు కామార్పుకూర్ కు వచ్చాడు. అతణ్ణి చూడగానే ఆతని వల్ల ఏదైనా ప్రమాదం జరగవచ్చునని ఊహించిన మాతృదేవి వెంటనే ఎవరైనా వచ్చి ఆతణ్ణి తీసుకు వెళ్లమని వరాహ నగరానికి జాబ్ రాసారు. ఆ ఉత్తరం చూసి శరత్, నిరంజన్ బయలుదేరి వచ్చారు. కానీ వారు వచ్చేలోపుగానే పరిస్థితి విషమించింది. ఈ విషయంగా మాతృదేవి ఇలా అన్నారు *:*  "అప్పుడు హరీష్ కొన్ని రోజులుగా కామార్పుకూర్లో ఉండసాగాడు. భార్య కారణంగా అతడు మతి స్థిమితం కోల్పోయాడు. ఒక రోజు పొరుగు ఇంటికి వెళ్లి, ఇంట్లోకి వెళుతున్నాను. అప్పుడు ఆతడు నన్ను తరమసాగాడు. ఇంట్లో ...

🌻🌻🌻🌻🌻🌻🌻 🌺శ్రీ మాత్రే నమః🌺 🌹 శారదామాత జీవితచరిత్ర🌹 3⃣3⃣ *వ రోజు*   *దారిద్ర్య దుర్భరత :--*  🌻🌻🌻🌻🌻🌻🌻 దక్షిణేశ్వరం నుండి బయలుదేరిన మాతృదేవి *బర్ద్వాన్* వరకు అందరూ రైలులో పయనించారు. అంత దూరం వెళ్లడానికి సరిపడ డబ్బు మాత్రమే ఉంది. ఆ  తర్వాత కాలినడకే. మొదటి ఘట్టంగా *పదహారు మైళ్లు* నడచి *ఉచ్చలన్* అనే చోటికి చేరుకున్నారు. మాతృదేవి బాగా అలసి పోయారు. అందువల్ల అక్కడ కొంత విశ్రాంతి తీసుకున్నారు. అక్కడే వంట చేసుకొని భోజనంచేసి పిదప అందరూ కలిసి కామార్పుకూర్ చేరుకున్నారు. గోలాప్ మా తప్ప తక్కిన వారందరూ మాతృదేవితో పాటు మూడు రోజులుండి కలకత్తాకు తిరిగి వెళ్లపోయారు. గోలాప్ మా ఒక నెల రోజులు అక్కడ గగిపారు. ఆనాటి సమాజం వితంతువుకు గౌరవాన్ని, అంతస్తును కల్పించడానికి తయారై లేదు. వితంతువుకు ఎటువంటి వినోదాలు నిషిద్ధం. ఆమెను ఒక జీవచ్ఛవంలా చూసేవారు. గ్రామాలలో ఈ నియమాలు మరీ విపరీతం. ఇక్కడ ఒక వితంతువు - పూర్తిగా తెలుపు రంగు చీర కాక అందులో ఎర్రని అంచు చీర ధరించడం, చేతులకున్న బంగారు గాజులు తీసివేయకపోవడం గ్రామస్థులకు ఇంతకన్నా మరేం కావాలి? సానుభూతి కలగడానికి బదులుగా కోపమూ, ఉక్రోషమూ కలిగ...

🌻🌻🌻🌻🌻🌻🌻 🌺శ్రీ మాత్రే నమః🌺 🌹 *శ్రీ శారదామాత జీవితచరిత్ర 🌹 3⃣2⃣ *వ రోజు*   *రామ్ లాల్  'కైంకర్యం' :--*  🌻🌻🌻🌻🌻🌻🌻 మాతృదేవి ఒక సంవత్సరం తర్వాత బృందావనం నుండి 1887 ఆగస్టులో తిరిగి వచ్చారు. కాశీపూర్ రోజులలో గురుదేవులు ఒక రోజు మాతృదేవిని పిలిచి, 'నా తదనంతరం నువ్వు *కామార్పుకూర్* కు(గురుదేవుల ఊరు) వెళ్లి, అక్కడ నివసించు. ఏమైనా ఆకు కూరలు పండించుకో. వట్టి అన్నమో, ఉడకబెట్టిన ఆకుకూరలో, దొరకింది తింటూ, ఆధ్యాత్మిక సాధనలు అనుష్టించు. కానీ ఒక విషయం . ఒక చిల్లికాసైనా ఎవరివద్దా చేయిచాచి యాచించవద్దు. చేతులు చాచావంటే నీ తలను కుదువ బెట్టినట్లే. భక్తులెవరైనా ప్రీతితో నిన్ను తమ ఇంట వుండమని ఆహ్వానించవచ్చు. ఆ ఆహ్వానాన్ని కూడా మన్నించకు. అంతకంటే బిచ్చమెత్తి జీవించడం ఉత్తమం. కామార్పుకూర్ లోని నీ సొంత ఇంటిని వదలవద్దు. తిండితిప్పలకు ఎలాంటి లోటు రాదు' అని చెప్పి ఉన్నారు.  ఇక రాబోయే రోజులు దుఃఖమయంగా ఉంటాయని మాతృదేవికి తెలుసు. గురుదేవులు సజీవులై ఉన్నప్పుడే హృదయ్ ఆమెను అవమానపరచడం విదితమే. రామ్ లాల్(గురుదేవుల అన్న కొడుకు) అర్చకుడుగా నియమితుడయ్యాక గురుదేవులను గౌరవించడం మానుకొన్నా...

🌻🌻🌻🌻🌻🌻🌻 🌸శ్రీ మాత్రే నమః🌸  *🌹శారదామాత జీవితచరిత్ర🌹*  3⃣0⃣ *వ రోజు*   *గురుదేవుల మహాసమాది :-*   *ఆగస్టు 15.*  🌻🌻🌻🌻🌻🌻 ఎముకల గూడులా అయిపోయారు గురుదేవులు. ఆయన కొన్ని తలదిండ్లను ఉంచుకుని వాటిపై ఆనుకొని వున్నారు. సర్వతా నిశ్శబ్దం అందరిలోనూ విశ్వాసపు  చివరి పగ్గం కూడా సడలిపోతూవుంది. ఆయన మాట్లాడలేకపోతున్నారే అనిపించింది. ఆ రోజంతా మాతృదేవికి శకునాలు సరిగ్గా లేవు. కిచ్చడి వండుతూ ఉంటే అది క్రింద మాడిపోయింది. మేడమీద ఆరవేసిన  గుడ్డలు కనబడలేదు. నీటితో నిండిన కుండలు పైకెత్తారు. అది కిందపడి ముక్కలు ముక్కలయింది. ఎంతో కలతచెంది లక్ష్మీతోపాటు గురుదేవుల గదికి వచ్చారు.  అప్పుడు గురుదేవులు, "ఇదిగో చూడు, ఎక్కడ చూసినా జలమయంగావుంది. ఆ జలం మధ్యగా నేను ఎక్కడికో సుదూరంగా వెళుతున్నట్లుంది"అన్నారు. ఇక ఆపుకోలేక మాతృదేవి రోదించసాగారు. గురుదేవులు మళ్లీ, 'కలత చెందకు! ఇప్పుడు ఉన్నట్లే ఇకపై కూడా, ఉండబోతున్నావు. నన్ను చూసుకొన్నట్లే వీళ్లందరు (నరేంద్రాదులు) నిన్ను కూడా చూసుకుంటారు. లక్ష్మిని చూసుకో” అన్నారు. ఆ రోజు అర్ధరాత్రి అందరి హృదయాలను దుఃఖంతో నింపివేసి ...

🌻🌻🌻🌻🌻🌻🌻 🌸శ్రీ మాత్రే నమః🌸 🌺 *_శారదామాత జీవితచరిత్ర_* 🌺 2⃣9⃣ *వ రోజు*   *గురుదేవి :-*  🌻🌻🌻🌻🌻🌻🌻 మాతృదేవి మహత్తర జీవితంలో మరొక ముఖ్యమయిన కార్యం *మంత్రదీక్ష.* కాలాంతరంలో, ఇష్టదైవం మంత్రం ప్రసాదించి అసంఖ్యాకుల జీవితాలలో జ్ఞానజ్యోతి వెలిగించాడు. దక్షిణేశ్వర రోజులలోనే గురుదేవులు మాతృదేవికి పలుదైవాల మంత్రాలను నేర్పించి, వాటిని వ్యక్తుల మనస్తత్వాలు తగ్గట్లు ప్రసాదించే విధానాన్ని నేర్పించారు. మాతృదేవి దానిని ఇంతవరకు అమలు చేయలేదు. ఇప్పుడు గురుదేవులే దాన్ని మాతృదేవి జీవితంలో ప్రారంభించేశారు. తమ యువశిష్యుడైన శారదాప్రసన్నుని మాతృదేవి వద్ద మంత్రదీక్ష తీసుకోమని చెప్పి మాతృదేవి వద్దకు పంపారు. ఇలా గురుదేవిగా మాతృదేవి కార్యం మొదలయింది. గురుదేవుల నిర్యాణం విషయంలో మాతృదేవి చివరి అనుభవాలు *:*  కాశీపూర్ ఉద్యానంలో ఒక ఈత చెట్టు ఉండేది. ఒక రోజు సాయంత్రం నిరంజన్ ప్రభృత యువ భక్తులు ఈత రసం తాగడానికి ఆ వృక్షాన్ని సమీపించారు. అప్పుడు గురుదేవులు పరుపుమీద పడుకుని వున్నారు. తమంతట తాముగా లేవడమో, కూర్చోవడమో చేయలేని మరీ బలహీనమైన స్థితిలో ఉన్నారాయన. కానీ హఠాత్తుగా లేచి బాణంలా దూసుకొంటూ ...

🌻🌻🌻🌻🌻🌻🌻 🌸శ్రీ మాత్రే నమః🌸 🌹 * శారదామాత జీవితచరిత్ర 🌹 2⃣8⃣ *వ రోజు*   *కార్యాన్ని అప్పచెప్పడం:-*   🌻🌻🌻🌻🌻🌻🌻 ఈ యువకులను ఎవరి బాధ్యతలో వదలి వెళ్లగలరు?   *“వీరందరి బాధ్యతలను*   *నేను స్వీకరిస్తాను”* అంటూ దక్షిణేశ్వరం రోజులలోనే ఆయనతో చెప్పిన *మాతృదేవికి*  తప్ప మరెవరికి అప్పజెప్పి వెళ్లగలరు? దక్షిణేశ్వరం వదలి ఎప్పుడు గురుదేవులు వెళ్లారో అప్పటి నుండి జరగరానిది జరిగిపోతుందేమో !ఆ వ్యాకులతతో ఆమె జీవిస్తున్నారు.  గురుదేవులకు గొంతులో వ్రనం రావడం ఇందుకు కారణమని చెప్పలేం. తమ నిర్యాణ సమయానికి సూచనలు అంటూ గురుదేవులు చెప్పిన మాటలు ఒకటి తర్వాత మరొకటిగా జరగడం ప్రారంభమవడమే మాతృదేవి హృదయాన్ని కలచివేయసాగింది.   *ఐదవ ఏట* పాణిగ్రహణం చేసి తనను *భార్యగా, శిష్యురాలిగా, కుమార్తెగా, అంతెందుకు తల్లిగా* కూడా ఆదరించి నిస్వార్థ ప్రేమతో లాలిస్తున్న ఆ ప్రేమమూర్తి నిష్క్రమింపనున్నారా? మాతృదేవి ఆవేదన జ్వాలగా హృదయం లోపల దహింపసాగింది.  గొంతులో వ్రణం రావడానికి నాలుగైదు సం||లకు మునుపే గురుదేవులు మాతృదేవితో, " *ఎప్పుడు విచక్షణారహితంగా ఎవరు ఇచ్చిన...

🌻🌻🌻🌻🌻🌻🌻 🌸శ్రీ మాత్రే నమః🌸 🌺 * శారదామాత జీవితచరిత్ర 🌺 2⃣7⃣ *వ రోజు*   *కాశీపూర్ లో గురుదేవులు:-*  🌻🌻🌻🌻🌻🌻🌻 గురుదేవులు *శ్యాంపుకూర్* కు వచ్చి మూడు నెలలయింది. వైద్యుల చికిత్స, మాతృదేవి పరిచర్యలూ, శిష్యుల సేవలతో కూడా వ్యాధి తగ్గుముఖం పట్టక రోజు రోజుకు తీవ్రమవసాగింది. కాశీపూర్ లో ఇచ్చిన ఔషధాలు ఇప్పుడు నిష్ప్రయోజన మయినాయి. కలకత్తా కలుషిత వాతావరణం కారణంగానే వ్యాధి తీవ్రరూపం దాలుస్తుందని తీర్మానించిన వైద్యులు, నగర పొలిమేరలలో చక్కని గాలివీచే స్థలానికి ఆయనను తీసుకెళ్లడం మంచిదని సలహా ఇచ్చారు. అందుకే తగిన ఇంటి కోసం వెదకిన భక్తులు *కాశీపూర్* అనేచోట ఒక ఉద్యాన గృహాన్ని అద్దెకు తీసుకున్నారు.  1885 డిసెంబర్ 11వ తేది ఆ ఇంటికి గురుదేవులను తరలించి తీసుకెళ్లారు. కాశీపూర్ ఉద్యానగృహం విశాలంగా ఉంది, జన సంచారం లేని చోట ఉంది. ఎటువైపు చూసినా పచ్చని చెట్లు, రంగురంగుల పువ్వులు విరబూసిన చెట్లు, పసిడి పచ్చని ఆరుబయలు. నాలుగు నెలలు కలకత్తాలో గడిపిన గురుదేవులకు ఈ చోటు చాలా అందంగా కనబడింది. ఉద్యానవనం లోపల ప్రవేశించి, అక్కడ వీచే గాలి పీల్చగానే ఆయన ఉప్పొంగిపోయి, చుట్టూరా చూస్తూ ఆనందంతో ...

🌻🌻🌻🌻🌻🌻🌻 🌸శ్రీ మాత్రే నమః🌸   🌺 *_శారదామాత జీవితచరిత్ర_ * 🌺 2⃣6⃣ *వ రోజు*   *శ్యాంపుకూర్ లో గురుదేవుల సేవ :-*  🌻🌻🌻🌻🌻🌻🌻 సుఖం వస్తే దుఃఖం కూడా దానిని వెంబడించే వస్తుంది. ఇదే నియమం. ఈ చక్రభ్రమణం నుండి ఎవరు తప్పించుకోలేరు. అందువల్లనే జ్ఞానులు సుఖ దుఃఖాలు రెండింటినీ త్యజించి వాటికి అతీతమైన స్థితిని చేరుకోవడానికి ప్రయత్నిస్తారు. కానీ ప్రజల శ్రేయస్సు కోసం జన్మ స్వీకరించి, ప్రజల మధ్య జీవిస్తూన్న అవతార పురుషులు మానవుల్లా సుఖదుఃఖాలను స్వీకరించవలసి వుంది.  1885 వ సం|| శీతకాల ప్రారంభంలో మాతృదేవి జీవితంలో మొట్టమొదటిసారిగా ఆవేదన తన ఎరుకను చూపించింది. ఏప్రిల్ నెల మధ్యలో గురుదేవులకు గొంతులో నొప్పి మొదలయింది. క్రమంగా ఎక్కువైన ఆ నొప్పి ఎటువంటి చికిత్సలకూ ఉపశమించక తీవ్రం కాసాగింది. సెప్టెంబర్ నెల వచ్చేటప్పటికి నొప్పితోపాటు గొంతు నుండి రక్తం కూడా స్రవించసాగింది. అందువల్ల భక్తులు ఆయనను కలకత్తాకు తరలించి చికిత్స చేయించాలని తీర్మానించారు.  1885 సెప్టెంబరులో ఆయనను దక్షిణేశ్వరం నుండి శ్యాంపుకూర్ కు తీసుకువెళ్లారు. గురుదేవుల వ్యాధిని గురించి మనసులో ఎంతో బాధపడుతూ మాతృ...

🌻🌻🌻🌻🌻🌻🌻 🌺శ్రీ మాత్రే నమః🌺  🌸 *_శారదామాత జీవితచరిత్ర_* 🌸 2⃣5⃣ *వ రోజు*   *ప్రేమకున్న శక్తి :-*  🌻🌻🌻🌻🌻🌻🌻 ఒకసారి జయరాంబాటి నుండి దక్షిణేశ్వరానికి వెళ్లే దారిలో జరిగిన సంఘటన మాతృదేవి ప్రేమకున్న అపార శక్తిని సూచిస్తుంది.  పొదుపుగా ఖర్చు పెట్టే స్వభావం కారణంగానో, డబ్బు కొరత కారణంగానో, మరే ఇతర కారణాల వల్లనో మాతృదేవి పలుసార్లు జయరాంబాటి, కామార్పుకూర్ల నుండి దక్షిణేశ్వరానికి కాలినడకనే వెళ్లాల్సివచ్చింది. ఇలా నడచి వెళ్లినప్పుడు ముందుగా ఆరాంబాగ్ ను చేరుకోవాలి. తర్వాత ఎనిమిది, పది మైళ్ళ విస్తీర్ణం గల తేలో, భేలో పచ్చిక మైదానాన్ని దాటి  తారకేశ్వరం చేరాలి. ఆ తర్వాత కైకలాల్ మైదానం దాటి వైద్యవాడి చేరుకుని, గంగానది దాటాలి. ఆ రెండు మైదానాలు బందిపోటు దొంగలకు ఆలవాలం. ఉదయం, పగలు, మధ్యాహ్నం, సాయంత్రం అంటూ వేళాపాళా లేకుండా బాటసారులు వీరి చేతుల్లో చిక్కి ప్రాణాలు కోల్పోయినట్లు ప్రజలు నేటికీ చెప్పుకొంటారు. తేలో, భేలో అనే రెండు సమీప గ్రామాలకు సుమారు రెండు మైళ్ల దూరంలో తన కోరలను బయటికి చాచి ఒక భయంకరమైన కాళికాదేవి విగ్రహం వెలసివుండడం నేటికీ చూడవచ్చు. ఈ  కాళికను త...

🌻🌻🌻🌻🌻🌻🌻 🌸శ్రీ మాత్రే నమః🌸  *_🌹శారదామాత జీవితచరిత్ర_ 🌹*  2⃣4⃣ *వ రోజు*   *హృదయ్ అహం - పర్యవసానం* *:-*  🌻🌻🌻🌻🌻🌻🌻 జయరాంబాటి నుండి 1881 మార్చిలో దక్షిణేశ్వరానికి తిరిగి వచ్చారు మాతృదేవి. అప్పుడు హృదయ్ అహంకారం వల్ల  మాతృదేవి మనస్సు క్షోభించే సంఘటన ఒకటి జరిగింది.  గురుదేవుల సాధన సమయంలో నీడలా ఆయన వెంటే ఉంటూ సేవలు చేసినవాడు *హృదయ్*.(గురుదేవుల అన్న కొడుకు) అందువల్ల ఆలయ సిబ్బంది, ఇతరులు అతడి పట్ల ఎంతో మర్యాద కనబరచేవారు. ఇది అతడి మనస్సులో అహంకారాన్ని రేకెత్తించింది. తన సహాయం లేనిదే గురుదేవుడు కూడా ఏమీ చేయలేరనే గర్వంతోనూ, అహంకారంతోనూ విర్రవీగ సాగాడు హృదయ్. ధనాశతో అతడు గురుదేవుల దర్శనార్ధం వచ్చే వారందరికీ తనను ఒక గొప్ప మహాత్మునిగా ప్రదర్శించుకోసాగాడు. కరుకుతనమూ, అందరూ తనకు లోబడి ఉండాలనే గర్వంతో విఱ్ఱవీగిన హృదయ్ ఇతరులను అల్పంగా మాట్లాడడం, వారి మనస్సులు బాధపడేలా చేయడం లాంటివి చేయసాగాడు. గురుదేవులు కూడా ఈ దుర్భరత నుండి తప్పించుకోలేకపోయారు. ఆయనను అజమాయిషీ చేయడమే కాకుండా, గద్దించడం, భయపెట్టడం పలువురి సమక్షంలో లోకువచేసి మాట్లాడడం, దుర్భాషలాడడం మొదలుపెట్ట...

🌻🌻🌻🌻🌻🌻🌻 🌸శ్రీ మాత్రే నమః🌸 🌺 *శారదామాత జీవితచరిత్ర* 🌺    2⃣3⃣ *వ రోజు*    *కడుపు నొప్పి-దేవి చికిత్స :-*  🌻🌻🌻🌻🌻🌻🌻 తమ తండ్రి పరమపదించిన తర్వాత 1874 ఏప్రిల్ లో మాతృదేవి దక్షిణేశ్వరం వచ్చారు. ఈ సమయంలో కడుపునొప్పితో తీవ్రంగా బాధపడ్డారు. శంభుమల్లిక్  ఆమెకు చక్కని చికిత్స ఏర్పాట్లు చేయడం వల్ల ఆమె కోలుకొన్నారు. బాగా కోలుకున్న తర్వాత 1875 సెప్టెంబర్లో జయరాంబాటికి వచ్చారు. గ్రామానికి వెళ్లిన వెంటనే దురదృష్టవశాత్తూ ఆ కడుపు నొప్పి తిరగబెట్టి మాతృదేవిని వేధించసాగింది. మాతృదేవి తల్లి, సోదరులు తమకు చేతనయినంత వరకు చికిత్సలు చేయించారు. అయిన బాధ ఉపశమించలేదు. ఆమె బ్రతికి బట్టకడతారా అనిపించింది.ఈ విషయం తెలుసుకున్న గురుదేవులు ఎంతో ఆవేదనపడ్డారు. *"మానవ జన్మ పరమావధిని సాధించకుండానే ఆమె చనిపోతుందా? ఇలా అకాల మరణానికా ఆమె జన్మించింది!"* అంటూ హృదయ్ తో పదే పదే చెబుతూ దుఃఖపడసాగారు. మాతృదేవి ఆరోగ్యం మరీ దిగజారింది. శరీరమంతా వాచిపోయింది. కళ్ళ నుండి ఎడతెగక స్రవించే నీళ్ల వలన చూపు మందగించింది. పున్నమి చంద్రుని వెలుతురు కూడా అప్పుడు తమకు కారుచీకటిగా కనిపించినట్లు కాలాంతరంల...

🌻🌻🌻🌻🌻🌻🌻 🌸శ్రీ మాత్రే నమః🌸 🌺 *_శ్రీ శారదామాత జీవితచరిత్ర_* 🌺       2⃣2⃣ *వ రోజు*   *శారదామాత కుటుంబం:-*  🌻🌻🌻🌻🌻🌻🌻 ఇంటికి జ్యేష్ఠురాలు మాతృదేవి. ఆమె తరువాత జన్మించిన ఏకైక సోదరి కాదంబిని. వివాహంచేసుకొన్న కొంతకాలానికే మరణించింది. ఆమెకు సంతానం కలుగలేదు. కాదంబిని తర్వాత ప్రసన్న కుమార్, ఉమేశ చంద్ర, కాళీ కుమార్, వరద ప్రసన్న, అభయచరణ్ అనే ఐదుగురు సోదరులు జన్మించారు.  వీరిలో ఉమేష్ తన పద్దెనిమిదవ ఏట మరణించాడు. ప్రసన్నుని భార్య రాంప్రియాదేవి. వారికి నళిని, సుశీలా (మాకూ) కుమార్తెలు. రాంప్రియాదేవి చనిపోయాక ప్రసన్నుడు సువాసినీదేవిని వివాహం చేసుకొన్నాడు. వారికి కమల, విమల అని ఇద్దరుకుమార్తెలు, గణపతి' అనే కుమారుడు పుట్టారు. కాళీకుమార్ సుబోధ్ బాలదేవిని వివాహం చేసుకుని భూదేవ్, రాధారమణులనే కుమారులకు తండ్రి అయ్యాడు. అభయచరణ్ భార్య సురబాల; వీరికి ఏకైక పుత్రిక రాధారాణి, ముద్దుగా రాధూ అనీ రాధీ అని ఈమెను పిలిచేవారు. ఈమె మాతృదేవి భవిష్యత్ జీవితంలో ముఖ్య భూమిక పోషించింది. తల్లితండ్రులు, సోదరులు, బంధువులు అంటూ కుటుంబంలో ప్రతి ఒక్కరి శ్రేయస్సులోనూ మాతృదేవి ఎంతో శ్రద్...

🌻🌻🌻🌻🌻🌻🌻 🌻ఓం నమో భగవతే రామకృష్ణాయ🌺 🌹శ్రీశారదామాత జీవితచరిత్ర🌹                2⃣1⃣ వ రోజు 🌻🌻🌻🌻🌻🌻🌻 గురుదేవులు (శ్రీరామకృష్ణులు) మనఃస్థితి ఒక బాలుడు పోలినదిగా ఉండేది. బిడ్డ, భగవంతుడు ఒక్కటే అని చెబుతారు కదా! అది ఆయన విషయంలో పూర్తిగా నిజం. బిడ్డ వంటి వారితో, భార్య అనే స్థితిలో కంటే, తల్లిగానే శారదాదేవి వ్యవహరించారు. బిడ్డను, అన్నం తినేటట్లు చేయడానికి 'చంద్రుడిని పట్టి ఇస్తాను' అంటూ వెనుకాడక అబద్ధం చెప్పే ఆ మాతృ హృదయంతోనే గురుదేవులను చూసుకొన్నారు. మాతృదేవి ఇలా అన్నారు : ప్రతిరోజూ ఆయనకు మూడు లేక నాలుగు లీటర్లు పాలు ఇవ్వడం మామూలు. అంచలంచెలుగా ఐదు లీటర్లు ఇవ్వసాగాను. దేవాలయ ఆవులను పితికే వ్యక్తి పాలు తెచ్చేవాడు. పాలను బాగా మరగబెట్టి పావు భాగానికి తగ్గించేసేదాన్ని. 'ఇవెన్ని పాలు?' అని గురుదేవులు అడిగితే, "అంత ఎక్కువగా ఏమీ లేదు. ఒకటి ఒకటిన్నర లీటరు" అని చెప్పేదాన్ని. బాగా మరగబెట్టినందువల్ల పైన పేరుకొన్న గట్టి మీగడను చూసి, "పాలు కాస్త ఎక్కువ ఉన్నట్లుంది" అనేవారు. ఒకరోజు గోలాప్ మా నిజాన్ని చెప్పేసింది. అది వినగానే, “హా! నేను రోజూ ఇన్ని పాలు త...

🌻🌻🌻🌻🌻🌻🌻 🌺శ్రీ మాత్రే నమః🌺  *_🌹శారదామాత జీవితచరిత్ర 🌹_*      2⃣0⃣ *వ రోజు*  🌻🌻🌻🌻🌻🌻🌻 భర్త చేసే చిన్న చిన్న ప్రశంసలు భార్యకు ఎంతో ఉత్సాహభరితం గాను, ఆనందదాయకంగాను ఉంటాయి. మాతృదేవి మధురంగా పాడతారని మనం విన్నాం. ఒక రాత్రి మాతృదేవి, లక్ష్మి ఇద్దరూ పాడుతున్నారు. గురుదేవులు ఆ పాటను పూర్తిగా విన్నారు. మర్నాడు మాతృదేవితో, "నిన్నటి రాత్రి ఆ పాటను తన్మయంతో పాడవు. వినడానికి ఎంతో బాగుంది" అన్నారు. కొన్ని సమయాల్లో మాతృదేవి కాళీమాతకు పూలహారం తయారుచేసి ఇచ్చేవారు. ఒక రోజు మల్లెమొగ్గలను, ఎర్ర గన్నేరు మొగ్గలను దట్టంగా కట్టి పూలహారం తయారుచేశారు. మొగ్గలు వికసింపనారంభించినప్పుడు ఆలయానికి పంపించారు. పూజారి ఆ పూలహారాన్ని కాళీమాతకు అలంకరించడమూ, గురుదేవులు అక్కడికి రావడమూ  ఒక్కసారి జరిగాయి. నలుపు చలవరాతి విగ్రహంపై తెలుపు, ఎరుపుతో ఆ పూలహారం ఎంతో అందంగా కనిపించింది. 'ఆహా! ఏం అద్భుతం! ఎంత ఆకర్షణీయంగా ఉంది!' అంటూ ప్రశంసించారు గురుదేవులు. ఈ పుష్పమాలను తయారుచేసింది మాతృదేవే అని తెలుసుకున్నప్పుడు, "ఆహా! ఎవరైనా వెళ్లి ఆమెను తీసుకురండి. ఆమె కూడా ఈ అందాన్ని చూడాలి!"అన్నారు. పన...

🌻🌻🌻🌻🌻🌻🌻 🌺శ్రీ మాత్రే నమః🌺  *🌹 _శారదామాత జీవితచరిత్ర_* 🌹 1⃣9⃣ *వ రోజు*  🌻🌻🌻🌻🌻🌻🌻 గురుదేవులు సర్వసంగపరిత్యాగియైనా స్త్రీల మనోభావాన్ని బాగా గ్రహించినవారు. తన ఆవశ్యకతలను, చిన్న చిన్న ఆకాంక్షలను భర్తే గ్రహించి పూర్తిచేయాలని స్త్రీ ఆశిస్తుంది. అందువల్ల తమ శక్తి మేరకు ఆయన మాతృదేవి కోర్కెలను, అవసరాలను తీర్చారు. మాతృదేవికి ఆభరణాలు ధరించాలనే కోర్కె ఉండేది. ఆమెకు ఆభరణాలు చేయించాలని సంకల్పించారు గురుదేవులు. ఆలయం నుండి *ప్రతి నెల జీతంగా వచ్చే ఏడు రూపాయలను* ఒక పెట్టెలో వేసి ఉంచడం రివాజు. ఆ డబ్బుతో మాతృదేవికి ఆభరణాలు చేయించాలని అనుకున్నారు ఆయన.   ఈ విషయంగా మాతృదేవి ఇలా అన్నారు.  “నాకు ఆభరణాలు ధరించాలనేకోర్కె గురించి చెబుతూ గురుదేవులు, 'ఆమె పేరు శారద. ఆమె సరస్వతీ అవతారం. అందువల్లనే ఆభరణాలు ధరించాలని ఆకాంక్షిస్తున్నది' అనేవారు. ఒక రోజు హృదయంతో ఆ పెట్టెలో ఎంత డబ్బుందో చూడు! ఆమెకు చక్కని బంగారు ఆభరణం ఏదైనా చేసిపెట్టాలి” అన్నారు. అప్పుడు ఆయనకు ఆరోగ్యం బాగా లేదు. అయినా మూడు వందల రూపాయలు పెట్టి నాకు నగలు చేయించి ఇచ్చారు. *ఆయన డబ్బును తాకలేరనే విషయం ఇక్కడ గమనార్హం.* మాతృదే...

🌻🌻🌻🌻🌻🌻🌻 🌺శ్రీ మాత్రే నమః🌺  *_🌹శ్రీ శారదామాత జీవితచరిత్ర🌹_*  1⃣8⃣ *వ రోజు*  🌻🌻🌻🌻🌻🌻🌻 ఎవరైనా బద్దకస్తులుగా ఉండడాన్ని గురుదేవులు సుతరామా ఇష్టపడరు. ఈ విషయంగా మాతృదేవి  కాలాంతరంలో ఒక శిష్యురాలితో ఇలా అన్నారు:  "గురుదేవులు నాతో,  ' *ఎల్లప్పుడూ చురుగ్గా* *ఉండాలి.* ఏ పని చేయకుండా ఎప్పుడూ ఉండకూడదు. *బద్ధకం చోటుచేసుకుంటే పనికిమాలిన ఆలోచనలు మాత్రమే మనస్సులో తలెత్తుతాయి.* అంటూ అప్పుడప్పుడూ చెప్పేవారు. భక్తులు రావడం, ఆడడం, పాడడం, పారవశ్య స్థితులలో గురుదేవుల గది ఆనంద నిలయంగా ఉండేది. కానీ ఆయననే భర్తగాను, గురువుగాను, దైవంగాను స్వీకరించిన మాతృదేవి దాన్లో పాలుపంచుకోలేకపోయారు. 'నేను భక్తులలో ఒకరిగా ఉండివుంటే సదా ఆయన దగ్గరే ఉండేదాన్ని వారి అమృతవాక్కులను వినగలిగి ఉండేదాన్ని' అంటూ తపించిపోయేవారు. కానీ గడ్డిపోచకన్నా వినమ్రత, భూమి కన్నా సహనం సంతరించుకున్న మహోన్నత భక్తురాలయిన మాతృదేవి తమ తపనను బయటికి చూపకుండా, తమకంటూ ఎలాంటి ప్రత్యేక హక్కులను ఆశించలేదు. గురుదేవులకు చిన్నచిన్న సేవలను అప్పుడప్పుడూ వెళ్ళి అందించడంతోనే ఆమె తృప్తి పడ్డారు. అలాంటి సందర్భాలు దొరకనప్పుడు వా...

🌻🌻🌻🌻🌻🌻🌻 🌺శ్రీ మాత్రే నమః🌺 🌹 శారదామాత జీవితచరిత్ర🌹 1⃣7⃣ *వ రోజు*  🌻🌻🌻🌻🌻🌻🌻 కనీస వసతులకు కూడా నోచుకోని ఆ గదిలో మాతృదేవి ఎదుర్కొంటున్న అసౌకర్యాలను గమనించిన గురుదేవుల భక్తులలో కొందరు 1874లో ఆలయానికి సమీపంలోనే ఆమెకై ఒక చిన్న ఇల్లును కట్టాలని నిర్ణయించుకున్నారు. మధుర్ బాబు మరణించిన తర్వాత గురుదేవుల బాధ్యతలను *శంభుమల్లిక్* అనే భక్తుడు  వహించాడు. శంభుమల్లిక్ *రెండు వందల యాభై రూపాయలు* వెచ్చించి ఆలయ సమీపంలో స్థలం కొని ఇల్లు కట్టించాడు.  మాతృదేవి ఆ కొత్త ఇంటిలో నివసిస్తున్నప్పుడు గురుదేవులు తీవ్రమైన కడుపు నొప్పితో బాధపడ్డారు. ఆయనకు నడవడం కూడా కష్టమైపోయింది. ఏంచేయాలో పాలుపోక మాతృదేవి నిర్ఘాంతపోయారు. సాధ్యపడినప్పుడల్లా వెళ్లి గురుదేవులకు కావలసిన సపర్యలను చేసిపెట్టారు. కానీ ఎంత చేసినా ప్రక్కనే ఉండి చూసుకొన్నట్లు కాదు కదా!  సరిగ్గా మాతృదేవి ఇలా ఏమీ తోచని స్థితిలో ఉన్నప్పుడు ఒకామె వచ్చింది.  కాశీ నుండి వస్తున్నట్లుగా పరిచయం చేసుకొంది. ఆమె గురుదేవులకు కావలసిన పరిచర్యలను మనఃస్ఫూర్తిగా చేసింది. ఆమె ఒక రోజు మాతృదేవితో, "ఆయన ఇలా వ్యాధితో బాధపడుతున్నప్పుడు మీరు ఇక్కడ...